१३, फाल्गुन २०८१
बाँके ।जनता समाजवादी पार्टी (जसपा) नेपालले संगठन विस्तार अभियानलाई तिव्रता दिँदै बाँके क्षेत्र नं. ३ अन्तर्गत बैजनाथ गाउँपालिकामा आधारभूत संगठन निर्माण तथा भेटघाट कार्यक्रम सम्पन्न गरेको छ।
बैजनाथमा सम्पन्न संगठन विस्तार कार्यक्रममा संगठन निर्माण संयोजक तथा जसपा नेपालकी केन्द्रीय सदस्य माननीय अम्बिका काफ्लेको संयोजकत्व रहेको थियो। कार्यक्रममा केन्द्रीय सदस्य रामकुमार यादव प्रमुख अतिथि रहनुभएको थियो भने विशिष्ट अतिथि रूपमा पार्टीका लुम्बिनी प्रदेशका मुख्य सचिव राजन राना मगर उपस्थित हुनुभएको थियो।
त्यसैगरी, सचिव सुशिला पौडेल, सदस्य ईसरत अली मुकेरी, जिल्ला अध्यक्ष कौशल कुमार धोबी, सचिव सुर्यलाल यादव, सहसचिव श्यामप्रसाद श्रेष्ठ, सदस्य अनिल पौडेल, राम खेलावन थारु, युवा संघ अध्यक्ष गज्जु चन्द, सदस्य रुपेश केसी, नेता ईरफान अन्सारी लगायत पार्टीका विभिन्न तहका नेताहरूको उल्लेखनीय उपस्थिति रहेको थियो।
बैजनाथ गाउँपालिका समिति गठन
बैजनाथ गाउँपालिकामा २१ सदस्यीय पार्टी समिति गठन गरिएको छ। नवगठित समितिको नेतृत्व निम्नानुसार रहेको छ –
- हाऊराम थारू – अध्यक्ष
- लिला डिसी – उपाध्यक्ष
- राजाराम थारू – उपाध्यक्ष
- लक्ष्मी सलमानी – सचिव
- गंगा राना मगर – कोषाध्यक्ष
- बिमला परियार – सह-सचिव
- शान्ती अहिर – सदस्य
- रम्भादेवी थारू – सदस्य
- डिल्ली शाह – सदस्य
- रेशम राना मगर – सदस्य
यससहित २१ सदस्यीय समिति गठन भएको छ।
संगठन विस्तार अभियानलाई निरन्तरता
कार्यक्रममा उपस्थित नेताहरूले जसपा नेपाल जनताको पार्टी भएकाले संगठनलाई बलियो बनाउन सबै सदस्यहरू एकजुट भएर काम गर्नुपर्नेमा जोड दिए। संगठन निर्माण संयोजक अम्बिका काफ्लेले पार्टीलाई बलियो बनाउने अभियान निरन्तर अघि बढ्ने बताउँदै, जनताको पक्षमा काम गर्न प्रतिबद्ध रहने धारणा राख्नुभयो।
कार्यक्रममा नवगठित समितिका पदाधिकारी तथा सदस्यहरूलाई बधाई तथा सफल कार्यकालको शुभकामना दिइएको थियो। जसपा नेपालले आगामी दिनमा संगठनलाई अझै मजबुत बनाउन निरन्तर अभियान सञ्चालन गर्ने योजना रहेको बताइएको छ।
