डिभिजन बन कार्यालय बाँकेका वन अधिकृत अजित कुमार कर्णलाई सरस्वती सामुदायिक बन उपभोक्ता समुहले बिदाई तथा सम्मान गरेको छ । समुहको कोहलपुर १० र ११ मा रहेको कार्यलयको सभा हलमा एक कार्यक्रमका बीच डिभिजन वन अधिकृत कर्णलाई बिदाइ तथा सम्मान गरिएको हो ।
सरस्वती सामुदायिक बन उपभोक्ता समुहका अध्यक्ष नर बहादुर मल्लको अध्यक्षतामा सो कार्यक्रम भएको थियो । वन अधिकृत कर्ण प्रमुख आतिथि तथा सव डिबिजन वन कार्यालयका रेन्जर दिप बहादुर शाही बिशिष्ट अतिथि रहनु भएको थियो । कार्यक्रममा उपाध्यक्ष तिर्थ बुढाले स्वागत मन्तव्य राख्नु भयो भने समुहका सचिब दुर्गा सुवेदी सचिवले कार्यक्रम संचालन गरेकी गर्नु भएको थियो । बक्ताहरुले बन सम्बर्द्धन प्रणालीमा आधारित वनको महत्व र यसको कारण समुदायमा भएको विकासका निर्माणका कामहरूबारे चर्चा गर्नु भएको थियो । समुहका अध्यक्ष मल्लले कदर पत्र सहित मालाले सम्मान तथा बिदाइ गर्नु भयो ।
प्रमुख अतिथि अजित कुमार कर्णले आफु बाँकेमा आएर काम गर्ने सुनौलो अबसर मिलेको बताउदै सरस्वती सामुदायिक बन संग आफु सधै निकट रहेर काम गरेको बताउनु भयो । आफु देशको जुनसुकै ठाँउमा भए पनि सरस्वती सामुदायिह बनलाइ कहिले पनि भुल्न नसक्ने बताउनु भयो ।कार्यक्रममा वनका प्रतिनिधिहरूको सहभागीता रहेको थियो। सहभागी सबैले डिभिजनल वन अधिकृत कर्णलाई अबिर र दोसल्ला ओढाएर बिदाइ तथा सम्मान गर्नु भएको थियो ।कार्यक्रममा समुहका पदाधिकारी लगायत अन्य उपभोक्ताको सहभागीता रहेको थियो ।
