नेकपा एमाले अदानचुली गाउँपालिकाका हुम्लाका संस्थापक तथा केन्द्रीय सल्लाहकार परिषद् सदस्य रामबहादुर दानीको आज मंगलवार निधन भएको छ ।
अदानचुली १ कल्खेको गैरा स्थित घरमा भएका गाईवस्तु चराउन गएका बेला गाउँ नजीकैको भिरबाट लडेर मृत्यु भएको हो ।
भिरबाट लडेर स्थलगत मृत्यु भएपछि चराउन लिएका गाई वस्तु पाकेको बालीमा छाडा रुपमा गएपछि गाउँभरी दानीले कसरी गाइवस्तु छोडे भनेर चासो भए पछि खाजिको लागी स्थानिय भिर तिर लागेका थिए ।
गाईवस्तु बारीमा गएपछि उनकी श्रीमती बिउरा दानीले छिमेकी लिएर खोजिमा जान आग्रह गर्नु भएको थियो । बिहान दानी जहाँ देखिएका थिए त्यहि स्थानमा गएर टोलीले खोज्यो । गाउँ माथिको कसडी खोला भन्ने ठाउँमा उनि लडेको माटो धस्कीएको ठाउँबाट हेर्दै जाँदा खोलामा लम्पसार परेका दानीको इहलिला अघि नैं समाप्त भएको स्थानियले जानकारी दिए ।
खोजिमा गएका ति प्रत्यक्षदर्शीका अनुसार लडेर खोलामा पछारिएपछि दानी यताउता चल्नु भएछ, अन्तमा केहि नलागेपछि टाउँको तल खुट्टा माथि रहेको अवस्थामा श्वाश गएछ ।
जीवनको अधिकांश समय नेकपा एमालेको राजनीतिक गरेका रामबहादुर दानीलाई हुम्ला जिल्ला कमिटिको बैठकले आगामी मंसिर ४ गते हुने प्रतिनिधि सभा निर्वाचनका लागि समानुपाति तर्फको उम्मेरदवार बनाउने निर्णय गरेको थियो ।
नेकपा एमालेको चितवनमा सम्पन्न दशौं महाधिवेशनबाट पार्टीको केन्द्रीय सल्लाहकार समितिका निर्वाचित हुनु भएका दानी पुर्व जिल्ला विकास समितिको सदस्यमा निर्वाचित हुनु भएको थियो । लामो समय एमाले राजनीतिक गरेका दानीका पाँच छोरा एक छोरी छन् । पुराना देउडा खेलाडी समेत रहेका दानीलाई एमालेको संस्थापक नेताका रुपमा चिन्ने गरिन्छ ।
